ప్రతీ ఒక్కరికీ కనెక్ట్ అయ్యే మూవీ "క్లాప్": హీరో ఆది పినిశెట్టి

ఆది పినిశెట్టి, ఆకాంక్ష సింగ్ జంట‌గా శ‌ర్వంత్ రామ్ క్రియేష‌న్స్‌, శ్రీ షిర్డీసాయి మూవీస్ ప‌తాకాల‌ పై రామాంజ‌నేయులు జ‌వ్వాజి, ఎం. రాజ‌శేఖ‌ర్ రెడ్డి సంయుక్తంగా నిర్మించిన చిత్రం 'క్లాప్‌'. బిగ్ ప్రింట్ పిక్చ‌ర్స్ అధినేత ఐ.బి. కార్తికేయ‌న్ స‌మ‌ర్పిస్తున్నారు. పృద్వి ఆదిత్య ఈ చిత్రానికి ద‌ర్శ‌కుడు. క్లాప్‌ సినిమా తమిళ, తెలుగు భాషల్లో ఈనెల 11న సోనీలివ్‌ లో విడుదల కాబోతోంది.  ఈ సంద‌ర్భం గా గురువారం నాడు హైద‌రాబాద్ ప్ర‌సాద్‌ ల్యాబ్‌ లో చిత్ర టీజ‌ర్‌, ట్రైల‌ర్ ఆవిష్కరణ జ‌రిగింది.

అనంత‌రం హీరో ఆది పినిశెట్టి మాట్లాడుతూ... క్లాప్ జ‌ర్నీ మొద‌ల‌యి రెండున్న‌ర సంవ‌త్స‌రాలైంది. కోవిడ్ వ‌ల్ల ఆల‌స్య‌మైంది. నిర్మాత‌ల స‌పోర్ట్‌ తో విడుద‌ల‌కు వ‌చ్చాం. సోనీలివ్‌ లో ప్ర‌ద‌ర్శ‌న కాబోతుంది. నేను ఈ క‌థ‌ను విన్న‌ప్పుడు ప్రేక్ష‌కుడి గా ఫీల‌యి విన్నాను. `రంగ‌స్థ‌లం` త‌ర్వాత ఈ క‌థ విన్న వెంట‌నే చేసేద్దామ‌ని నిర్మాత‌ల‌కు చెప్పా. ఇందులో క‌మ‌ర్షియ‌ల్ అంశాలు లేక‌పోయినా ఆడియ‌న్‌కు బాగా న‌చ్చుతుంద‌ని చెప్ప‌గ‌ల‌ను. చాలా కోణాలు ఇందులో ద‌ర్శ‌కుడు చూపించాడు.

Advertisement

నేను, ఆకాంక్ష ఇద్ద‌ర‌మూ స్పోర్ట్స్‌ పర్సన్స్ గా న‌టించాం. మా ఇద్ద‌రి జ‌ర్నీ మ‌రొక‌రి భ‌విష్య‌త్‌ ను ఎలా తీర్చిదిద్దింద‌నేది ప్ర‌ధాన అంశం. ద‌ర్శ‌కుడు నిజాయితీగా తీశాడు. అంతే నిజాయితీ గా మేమంతా న‌టించాం. టెక్నీషియ‌న్స్ అలానే ప‌నిచేశారు. ఇళ‌య‌రాజా గారి రీరికార్డింగ్ సినిమాకు బ‌లం. ఒక సీన్‌ ను ఎలా వెలివేట్ చేయాలో ఆయ‌న ఆర్‌.ఆర్‌.లో బాగా చూపించారు.