Movie Updates: మే 12న ప్రపంచవ్యాప్తంగా విడుదల కానున్న "సూపర్ స్టార్ మహేష్ బాబు" "సర్కారు వారి పాట"

సూపర్ స్టార్ మహేష్ బాబు లేటెస్ట్‌ ఫ్యామిలీ అండ్ యాక్షన్ ఎంటర్టైనర్ `సర్కారు వారి పాట` చిత్రాన్ని టాలెంటెడ్ డైరెక్టర్ పరుశురామ్ తెరకెక్కిస్తున్నారు. ఈ మూవీ షూటింగ్‌ చివరి దశకు చేరుకుంది. తాజాగా మేకర్లు ఈ మూవీని మే 12న విడుదల చేయబోతోన్నట్టు అధికారికంగా ప్రకటించారు. వేస‌వి సెలవులను ఈ చిత్రం పూర్తిగా ఉప‌యోగించుకోనుంద‌ని తెలుస్తోంది.

సర్కారు వారి పాట మూవీలో మహేష్ బాబును సరికొత్త అవతారంలో చూపించబోతోన్నారు దర్శకులు పరుశురాం. ఇప్ప‌టివ‌ర‌కూ రిలీజ్ చేసిన ప్ర‌మోష‌న‌ల్ కంటెంట్‌కు ట్రెమండ‌స్ రెస్పాన్స్ వ‌చ్చింది. ఈ చిత్రానికి మ‌హేశ్‌ యాక్షన్ సీక్వెన్స్‌లు హైలెట్ కానున్నాయి.ఇక సర్కారు వారి పాట టీం ఇప్ప‌టికే మ్యూజిక‌ల్ ప్రమోషన్స్‌ను మొద‌లుపెట్టింది. వాలైంటైన్స్ డే సందర్భంగా ఈ చిత్రం నుంచి మెలోడీ సాంగ్ రిలీజ్ కాబోతుంది. ప్ర‌స్తుతం ఫుల్ ఫామ్‌లో ఉన్న సంగీత ద‌ర్శ‌కుడు తమన్ అద్భుతమైన రొమాంటిక్ మెలోడి సాంగ్‌ను రెడీ చేశారని తెలుస్తోంది.

ఈ చిత్రంలో హీరోయిన్ కీర్తి సురేష్ మహేశ్ బాబు ప్రియురాలిగా అల‌రించ‌నుంది. మైత్రీ మూవీ మేకర్స్, జీఎంబీ ఎంటర్టైన్మెంట్, 14 రీల్స్ ప్లస్ ప‌తాకాల‌పై నవీన్ యెర్నేని, వై రవి శంకర్, రామ్ ఆచంట, గోపీ ఆచంట సంయుక్తంగా ఈ చిత్రాన్ని నిర్మిస్తున్నారు.

నటీనటులు: మహేష్ బాబు, కీర్తి సురేష్, వెన్నెల కిషోర్, సుబ్బరాజు తదితరులు

సాంకేతిక బృందం: రచన‌, దర్శక‌త్వం: పరుశురామ్ పెట్లా, నిర్మాతలు: నవీన్ యెర్నేని, వై రవి శంకర్, రామ్ , చంట, గోపీ ఆచంట, బ్యానర్స్: మైత్రీ మూవీ మేకర్స్, జీఎంబీ ఎంటర్టైన్మెంట్, 14 రీల్స్ ప్లస్, సంగీతం: తమన్, సినిమాటోగ్రఫీ: ఆర్ మధి, ఎడిటర్: మార్తాండ్ కే వెంకటేష్, ఆర్ట్ డైరెక్టర్: ఏఎస్ ప్రకాష్, ఫైట్స్: రామ్ లక్ష్మణ్, లైన్ ప్రొడ్యూసర్: రాజ్ కుమార్, కో డైరెక్టర్: విజయ రామ్ ప్రసాద్, సీఈవో: చెర్రీ, వీఎఫ్ఎక్స్ సూపర్ వైజర్: యుగంధర్.