'డ‌ల్లాస్‌లో దేశి దొంగ‌లు' టైటిల్ పోస్ట‌ర్ విడుద‌ల‌.

ప్రామిసింగ్ హీరో సిద్ధు జొన్న‌ల‌గ‌డ్డ న‌టించ‌నున్న లేటెస్ట్ ఫిల్మ్ 'డ‌ల్లాస్‌లో దేశి దొంగ‌లు'. క్రైమ్ కామెడీగా రూపొందే ఈ చిత్రానికి సాయికిర‌ణ్ దైద‌ ద‌ర్శ‌కుడు. కోన ఫిల్మ్ కార్పొరేష‌న్‌, క‌ళాహి మీడియా బ్యాన‌ర్ల‌పై కోన వెంక‌ట్‌, య‌శ్వంత్ ద‌గ్గుమాటి సంయుక్తంగా ఈ చిత్రాన్ని నిర్మించ‌నున్నారు.

ఆదివారం సిద్ధు జొన్న‌ల‌గ‌డ్డ బ‌ర్త్‌డే. ఈ సంద‌ర్భంగా 'డ‌ల్లాస్‌లో దేశి దొంగ‌లు' టైటిల్ మూవీని అనౌన్స్ చేయ‌డంతో పాటు, టైటిల్ లోగో పోస్ట‌ర్‌ను రిలీజ్ చేశారు. వైవిధ్యంగా డిజైన్ చేసిన ఈ టైటిల్ పోస్ట‌ర్‌లో అత్యంత ఎత్త‌యిన ఓ బిల్డింగ్ టెర్రెస్‌పై నిల్చొని ఉన్న సిద్ధు.. చేతిలో గ‌న్‌, ముఖానికి మాస్క్‌తో క‌నిపిస్తున్నారు.

Advertisement

ల‌వ్ స్టోరీ మేళ‌వించిన బ్యాంక్ రాబ‌రీ స్టోరీతో రూపొందే ఈ సినిమా షూటింగ్‌ను మే నెల‌లో ప్రారంభించ‌నున్నారు. పూర్తిగా అమెరికాలోని డ‌ల్లాస్‌లో చిత్రీక‌ర‌ణ జ‌రుపుతారు.

సాంకేతిక బృందం : ర‌చ‌న‌-ద‌ర్శ‌క‌త్వం: సాయికిర‌ణ్ దైద‌, నిర్మాత‌లు: కోన వెంక‌ట్‌, య‌శ్వంత్ ద‌గ్గుమాటి,స‌మ‌ర్ప‌ణ‌: ఆరోహి దైద‌‌, బ్యాన‌ర్స్‌: కోన ఫిల్మ్ కార్పొరేష‌న్, క‌ళాహి మీడియా, మ్యూజిక్‌: శ్రీ‌చ‌ణ్ పాకాల‌, సినిమాటోగ్ర‌ఫీ: అనిరుధ్ గ‌ట్టు. ఎగ్జిక్యూటివ్ ప్రొడ్యూస‌ర్‌: కృష్ణ వోడ‌ప‌ల్లి, పీఆర్వో: వ‌ంశీ-శేఖ‌ర్‌.