Bubblegum : 'బబుల్‌గమ్‌' ఖచ్చితంగా పెద్ద సూపర్ హిట్ అవుతుంది : కే రాఘవేంద్రరావు

వెరీ ట్యాలెంటెడ్ రవికాంత్ పేరేపు దర్శకత్వంలో యంగ్ హీరో రోషన్ కనకాల తొలి చిత్రం 'బబుల్‌గమ్' ప్రమోషనల్ కంటెంట్ తో ఇప్పటికే హ్యుజ్ బజ్ క్రియేట్ చేసింది. ఈ సినిమా టీజర్, పాటలకు ట్రెమండస్ రెస్పాన్స్ వచ్చింది. డిసెంబర్ 29న ఈ చిత్రం ప్రేక్షకుల ముందుకు వస్తోంది. ఈ రోజు బబుల్‌గమ్  థియేట్రికల్ ట్రైలర్ ని లాంచ్ చేశారు. దర్శకేంద్రుడు కె రాఘవేంద్రరావు, బ్లాక్ బస్టర్ డైరెక్టర్ అనిల్ రావిపూడి, హీరో రానా దగ్గుబాటి ముఖ్య అతిథులుగా పాల్గొన్న ట్రైలర్ లాంచ్ వేడుక చాలా గ్రాండ్ గా జరిగింది.

“నా నసీబ్ లో ఎం రాసి పెట్టుందో నాకు తెల్వదు... కానీ నచ్చినట్లు మార్చుకుంటా.. కావాల్సింది లాక్కొని తెచ్చుకుంటా.. అదీ ఇజ్జత్ అయినా... ఔకాత్ అయినా’’ అనే పవర్ ఫుల్ డైలాగ్ తో మొదలైన ట్రైలర్ ఆద్యంతం ఆకట్టుకుంది. ట్రైలర్ లో ‘బబుల్‌గమ్‌’ కథాంశాన్ని చాలా ఆసక్తికరంగా పరిచయం చేశారు. మ్యూజిక్ వరల్డ్ లో తనదైన ముద్ర వేసుకోవాలని ప్రయత్నిస్తుంటాడు డీజే రోషన్ కనకాల. మానస చౌదరిని కలిసిన తర్వాత అతను జీవితం మరో మలుపు తిరుగుతుంది. కొన్ని అనూహ్య కారణాల వలన ప్రేమ విఫలం కావడంతో తన సత్తా ఏమిటో ప్రపంచానికి చూపించాలని నిర్ణయించుకున్నాడు రోషన్. తర్వాత వచ్చే సన్నివేశాలు ప్రేక్షకులని కట్టిపడేశాయి.

Advertisement

దర్శకుడు రవికాంత్ పేరేపు ఈ తరం యువతకు తగ్గ కంటెంట్ ని అద్భుతంగా ప్రజంట్ చేశారు రోషన్ కనకాల బాడీ లాంగ్వేజ్, యాటిట్యూడ్, డైలాగ్ డిక్షన్, పెర్ఫార్మెన్స్ ఎక్స్ ట్రార్డినరీగా వున్నాయి. మానస చౌదరి చాలా అందంగా కనిపించింది. చక్కని నటనతో ఆకట్టుకుంది. సురేష్ రగుతు కెమెరా పనితనం బ్రిలియంట్ గా వుంది. శ్రీచరణ్ పాకాల తన అద్భుతమైన సంగీతంతో సన్నివేశాలను ఎలివేట్ చేశాడు. పీపుల్ మీడియా ఫ్యాక్టరీతో కలిసి మహేశ్వరి మూవీస్ ఈ చిత్రాన్ని నిర్మిస్తోంది. ప్రొడక్షన్ డిజైన్ అంతా గ్రాండ్‌గా ఉంది. మొత్తానికి ఈ ట్రైలర్ సినిమాపై అంచనాలను పెంచేసింది.

ట్రైలర్ లాంచ్ ఈవెంట్ లో దర్శకేంద్రుడు కే రాఘవేంద్రరావు మాట్లాడుతూ.. సుమ మొహం ఆనందంతో అప్పుడే వెలిగిపోతుంది(నవ్వుతూ). బబుల్‌గమ్‌ ట్రైలర్ లో సూపర్ హిట్ కళ కనిపిస్తోంది. బబుల్‌గమ్‌ మెల్లగా ఉబ్బి ఉబ్బి పెద్దగా పేలుతుంది. ఈ సినిమా టాక్ కూడా మెల్లగా స్టార్ట్ అయి సూపర్ హిట్ టాక్ తో ఎండ్ అవుతుంది. రోషన్, మానస కెమిస్ట్రీ చాలా బావుంది. సినిమా ఖచ్చితంగా చాలా బాగా ఆడుతుంది. టీం అందరికీ ఆల్ ది బెస్ట్. పీపుల్ మీడియా నాకు సొంత కుటుంబం లాంటింది. వారి ద్వారా విడుదలైన సినిమాలన్నీ అద్భుతంగా ఆడాయి. ఈ సినిమా కూడా ఖచ్చితంగా ఘన విజయం సాధిస్తుంది’’ అన్నారు.