Natural star Nani-Pawan Kalyan: న్యాచురల్ స్టార్ట్ నాని కి పవన్ కళ్యాణ్ వల్ల మళ్ళీ టెన్ష‌న్ స్టార్ట్ ...... ఎందుకో తెలుసుకోవాలి అంటే

Natural star Nani :ప‌వ‌ర్‌స్టార్ ప‌వ‌న్ క‌ళ్యాణ్ వ‌ల్ల నేచుర‌ల్ స్టార్ నాని టెన్ష‌న్ ప‌డుతున్నారు. అదేంటి ప‌వ‌న్‌కు నానీకి ఉన్న లింకేంటి? ప‌వ‌న్ ప్ర‌స్తుతం త‌న వారాహి యాత్ర‌లో బిజీగా ఉన్నారు క‌దా! నాని గురించి ఏమైనా మాట్లాడారా? అనే సందేహం రాక‌పోదు. అదీగాక ‘రిపబ్లిక్’ మూవీ స‌మ‌యంలో ప‌వ‌న్ మాట్లాడిన మాట‌ల‌కు ఇన్ డైరెక్ట్‌గా నాని స‌పోర్ట్ చేస్తూ ఏపీ ప్ర‌భుత్వంపై చేసిన కామెంట్స్ హాట్ టాపిక్‌గా మారిన సంగ‌తి తెలిసిందే. నానీపై అప్ప‌టి ఏపీ ప్ర‌భుత్వ పెద్ద‌లు విరుచ‌కుప‌డ్డారు. త‌ర్వాత ఆ వివాదం స‌ద్దుమ‌ణిగింది. ఇప్పుడు మ‌ళ్లీ ప‌వ‌న్ వ‌ల్ల మ‌రోసారి నానీలో టెన్ష‌న్ మొద‌లైంద‌ని టాక్‌. అయితే ఈసారి పొలిటిక‌ల్‌గా కాదులెండి. సినిమాల విష‌యంలో.

నాని, మృణాల్ ఠాకూర్‌తో క‌లిసి చేస్తోన్న సినిమాను క్రిస్మ‌స్ సంద‌ర్భంగా డిసెంబ‌ర్ 21న‌ రిలీజ్ చేయ‌బోతున్నారు. మ‌రి దానికి ప‌వ‌న్‌కు సంబంధ‌మేంటి? అనే అస‌లు విష‌యంలోకి వెళితే, ప‌వ‌న్ క‌ళ్యాణ్ హీరోగా న‌టిస్తోన్న సినిమాల్లో ఓజీ ఒక‌టి. ర‌న్ రాజా ర‌న్‌, సాహో చిత్రాల ద‌ర్శ‌కుడు సుజిత్ ఈ సినిమాను డైరెక్ట్ చేస్తున్నారు. భారీ బ‌డ్జెట్‌తో ఈ మూవీని ఆర్ఆర్ఆర్ నిర్మాత డివివి దాన‌య్య నిర్మిస్తున్నారు. తాజాగా సినీ స‌ర్కిల్స్‌లో వినిపిస్తోన్న స‌మాచారం మేర‌కు ఈ సినిమాను డిసెంబ‌ర్‌లో రిలీజ్ చేయాల‌నుకుంటున్నారు. ఒక‌వేళ ఓజీ సినిమాను క్రిస్మ‌స్‌కు విడుద‌ల చేయాల‌ని భావిస్తే నాని 30వ సినిమాను ఓ వారం ముందుగానే రిలీజ్ చేసుకుంటార‌ట‌. అదే ఓజీ రిలీజ్ ఆల‌స్య‌మైతే మాత్రం నాని త‌న సినిమాను అనుకున్న‌ట్లుగానే క్రిస్మ‌స్‌కు రిలీజ్ చేసుకుంటారు.

Advertisement