RRR : ఆస్కార్ నామినేషన్స్ లో ఆర్ఆర్ఆర్.. అరుదైన ఘనత సాధించిన "నాటు నాటు"

RRR : భారతదేశం గర్వించదగ్గ సినిమాలలో ఆర్ఆర్ఆర్ కూడా ఒకటి. దర్శక ధీరుడు రాజమౌళి తెరకెక్కించిన ఈ సినిమాలో రామ్ చరణ్, జూనియర్ ఎన్టీఆర్‌ లు కలిసి నటించారు. ఆలానే ఈ మూవీలో అజయ్‌ దేవ్‌గన్‌, శ్రియా శరణ్‌, ఆలియా భట్‌లు కీలక పాత్రల్లో కనిపించారు. 2022 మార్చి 24న రిలీజ్‌ అయిన ఈ సినిమా దేశ వ్యాప్తంగా రికార్డులను తిరగరాసింది. దాదాపు 400 కోట్ల భారీ బడ్జెట్ తో రూపుదిద్దుకున్న ఈ సినిమాకు ప్రపంచ వ్యాప్తంగా కలెక్షన్ల వర్షం కురిపించింది. కేవలం భారత్ లోనే కాకుండా యూఎస్, జపాన్‌ లోనూ ఈ సినిమాకి బ్రహ్మరధం పడుతున్నారు. అలానే ఈ చిత్రానికి అంతర్జాతీయ స్థాయిలో అవార్డులను కైవసం చేసుకుంటుంది.

అయితే తాజాగా వేయి కళ్లతో ఎదురుచూస్తున్న భారతీయల కల తీరింది. ఆర్ఆర్ఆర్ సినిమా ఆస్కార్ లో నామినేషన్ దక్కించుకుంది. ఒరిజినల్ సాంగ్ విభాగంలో నాటు నాటు సాంగ్ ఆస్కార్ లో స్థానం సంపాదించింది. దీంతో ఆర్ఆర్ఆర్ సినిమా చరిత్ర సృష్టించింది. ఆస్కార్ నామినేషన్లను మంగళవారం సాయంత్రం ప్రకటించారు. ఆర్ఆర్ఆర్ సినిమాలోని నాటు నాటు పాట ఈ నామనినేషన్ దక్కించుకుంది.

Advertisement

This year's Original Song nominees are music to our ears. #Oscars #Oscars95 pic.twitter.com/peKQmFD9Uh

— The Academy (@TheAcademy) January 24, 2023

ఒరిజినల్ సాంగ్ విభాగంలో నాటు నాటు పాట చరిత్ర సృష్టించింది. కాలిఫోర్నియాలోని బెవర్లీ హిల్స్ లో ఈ వేడుక జరిగింది. నామినేషన్లు నామినేషన్స్ కార్యక్రమాన్ని కూడా ప్రత్యక్ష ప్రసారం చేశారు. 95వ ఆస్కార్ నామినేషన్స్ లో ఆర్ఆర్ఆర్ చోటు దక్కించుకోవడం పట్ల తెలుగు ప్రజలు హర్షం వ్యక్తం చేస్తున్నారు. మూవీ యూనిట్ ని అభినందిస్తూ పలువురు సినీ, రాజకీయ ప్రముఖులు పోస్ట్ లు పెడుతున్నారు. ప్రస్తుతం ఈ విషయం ట్రెండింగ్ గా మారింది.