Entertainment : జీవితంలో అత్యంత సంతోషపడిన సందర్భం అదే.. నమ్రత..

Entertainment నమ్రత మహేష్ బాబు.. స్టార్ స్టేటస్ ఉన్న ఈమె మహేష్ బాబు తో పెళ్లి అనంతరం సినిమాలకు గుడ్ బాయ్ చెప్పేసి పూర్తిగా తన జీవితాన్ని కుటుంబానికి అంకితం చేసింది.. అయితే తాజాగా ఈమె పెళ్లి పిల్లలు మహేష్ తో జీవితం కోసం పలు విషయాలు చెప్పుకొచ్చింది..

మహేష్ బాబును పెళ్లి చేసుకున్న తర్వాత తన జీవితమే మారిపోయిందని అలాగే మాతృత్వం అనేది ప్రతి ఒక్కరి జీవితంలో ఎంతో అద్భుతమైన ఘట్టమంటూ చెప్పుకొచ్చింది నమ్రత తాజాగా ఓ ఇంటర్వ్యూలో పాల్గొన్న ఈమె.. "మహేశ్‌బాబు నేనూ పెళ్లి చేసుకోవాలని నిర్ణయించుకున్న రోజు నా జీవితంలో ఎప్పటికీ మర్చిపోలేను. నా లైఫ్‌లోనే ఎంతో సంతోషకరమైన రోజది. సినిమాల్లోకి రాకముందు నేను మోడలింగ్‌ చేశాను. మోడలింగ్‌ బోర్‌ కొట్టడంతో సినిమా పరిశ్రమ వైపు వచ్చాను. నటిగా ప్రతి పనిని పూర్తిగా ఆస్వాదిస్తూ చేశాను. అప్పుడే మహేశ్‌ను కలిశాను. మేమిద్దరం పెళ్లి చేసుకున్నాం. కాబోయే సతీమణి ఎలా ఉండాలనే విషయంలో తనకు స్పష్టమైన ఆలోచన ఉంది. అందుకే నేను సినిమాలకు దూరమయ్యా. పెళ్లి అయ్యాక కూడా నాకు అవకాశాలు వచ్చాయి. కాకపోతే నటించాలనే ఉద్దేశం నాకస్సలు లేదు. మహేశ్‌కు నాకూ మధ్య గొడవలు రావు. ఒకవేళ ఏమైనా వచ్చినా అది పిల్లల విషయంలోనే ఉంటుంది. పిల్లలు తమకు ఏం కావాలన్నా ఆయన్నే అడుగుతుంటారు. ఆయన కాదు అనరు. నేను నో చెబుతుంటాను. అలా మా మధ్య సరదాగా వాదనలు జరుగుతుంటాయి.. అలాగే మహేష్ నటించిన సినిమాలన్నింటిలో పోకిరి అంటే నాకు ఎంతో ఇష్టం ఈ సినిమాలో ఆయన పంచ్ డైలాగ్స్ ఎన్నిసార్లు చూసినా నాకు బోర్ కొట్టవు.. " అని నమ్రత తెలిపారు.

Advertisement