'ది వాక్సిన్ వార్' లో కాంతార ఫేమ్ సప్తమి గౌడ

దర్శకుడు వివేక్ రంజన్ అగ్నిహోత్రి 'కశ్మీర్ ఫైల్స్' చిత్రంతో సంచలనం సృష్టించారు. ఈ చిత్రం భారీ బ్లాక్‌బస్టర్‌ విజయం సాధించడంతో పాటు విమర్శకుల ప్రశంసలు పొందింది. ఆస్కార్ 2023 కోసం షార్ట్‌లిస్ట్ అయ్యింది. ప్రస్తుతం వివేక్ రంజన్ అగ్నిహోత్రి 'ది వాక్సిన్ వార్' చిత్రాన్ని డైరెక్ట్ చేశారు. ఈ చిత్రం కోవిడ్-19, దేశంలోని వాక్సిన్ డ్రిల్స్ నేపధ్యంలో వుండబోతుంది. ఐ యామ్ బుద్ధ ప్రొడక్షన్ పతాకం పై పల్లవి జోషి ఈ చిత్రాన్ని నిర్మించడంతో పాటు కీలక పాత్ర పోహిస్తున్నారు.

ఈ సినిమా చివరి షెడ్యూల్‌లోకి అడుగుపెట్టింది. భారతదేశం అంతటా చిత్రీకరించిన తర్వాత, ది వాక్సిన్ వార్ చివరి బ్యాటిల్ కోసం హైదరాబాద్‌కు షిఫ్ట్ అయ్యింది. కాంతార ఫేమ్ సప్తమి గౌడ ఈ పాన్ ఇండియా చిత్రంలో చేరారు. హైదరాబాద్‌లో సినిమా షూటింగ్‌లో ఆమె జాయిన్ అయింది. ఈ చిత్రంలో అనుపమ్ ఖేర్, నానా పటేకర్, దివ్య సేథ్ తదితరులు నటిస్తున్నారు.

Advertisement

ది కాశ్మీర్ ఫైల్స్ కోసం వివేక్ అగ్నిహోత్రితో కలిసి పనిచేసిన అభిషేక్ అగర్వాల్ తన అభిషేక్ అగర్వాల్ ఆర్ట్స్ బ్యానర్ ద్వారా దేశవ్యాప్తంగా 'ది వాక్సిన్ వార్'ని విడుదల చేయనున్నారు.

2023 స్వాతంత్ర దినోత్సవం సందర్భంగా ఆగస్టు 15న ఈ చిత్రాన్ని ప్రేక్షకుల ముందుకు తీసుకురానున్నారు. వివేక్ రంజన్ అగ్నిహోత్రి భారతదేశ ఖ్యాతిని చాటిచెప్పే చిత్రాలని రూపొంచే ఫిల్మ్ మేకర్. ఈ చిత్రం హిందీ, ఇంగ్లీష్, గుజరాతీ, పంజాబీ, భోజ్‌పురి, బెంగాలీ, మరాఠీ, తెలుగు, తమిళం, కన్నడ, ఉర్దూ, అస్సామీలతో సహా 10 భాషలకు పైగా విడుదల కానుంది.