Kushi : పూర్తయిన ఖుషి మూవీ షూటింగ్ .. ట్రెడిషినల్ డ్రస్ లో మూవీ అప్డేట్ ఇస్తున్న సమంత ,విజయ్...

Kushi : విజయ్ దేవరకొండ (Vijay Deverakonda), సమంత (Samantha) జంటగా నటిస్తున్న చిత్రం ‘ఖుషీ’. లవ్ రొమాంటిక్ ఎంటర్టైనర్ గా వస్తున్న ఈ చిత్రాన్ని శివ నిర్వాణ డైరెక్ట్ చేస్తున్నాడు. ఇప్పటికే సినిమా నుంచి వచ్చిన ఓ పాట అందర్నీ మెప్పించి యూట్యూబ్ లో రికార్డులు సెట్ చేస్తోంది. మైత్రి మూవీ మేకర్స్ ఈ సినిమాని నిర్మిస్తుండగా మలయాళ మ్యూజిక్ డైరెక్టర్ హేశం అబ్దుల్ వహాబ్ సంగీతం అందిస్తున్నాడు.

ఇప్పటికే ఈ సినిమా కశ్మీర్, రామోజీ ఫిలిం సిటీ, కేరళలో షూటింగ్ చేశారు. తాజాగా ఈ సినిమాని కాకినాడ, ద్రాక్షారామం పరిసర ప్రాంతాల్లో షూటింగ్ చేశారు. ఇది ఖుషి సినిమా చివరి షెడ్యూల్ కాగా దీంతో షూటింగ్ మొత్తం పూర్తయింది. చిత్రయూనిట్ స్వయంగా సినిమా చివరి రోజు షూటింగ్ స్పాట్ నుంచి ఓ చిన్న వీడియో రిలీజ్ చేసింది. ఈ వీడియోలో గుడిలో కుటుంబసభ్యులంతా యాగం చేస్తున్నట్టు చూపించారు. సమంత రెడ్ కలర్ చీర కట్టుకోగా విజయ్ షర్ట్, పంచ కట్టుకున్నాడు. ఇలా సాంప్రదాయ దుస్తుల్లో వీరిద్దరూ నమస్కారం పెట్టారు. దీంతో ఈ వీడియో వైరల్ గా మారింది.

Advertisement

ఇక షూట్ కి సంబంధించిన ఫోటోలు కూడా కొన్ని లీక్ అయ్యాయి. ఇవి ట్విట్టర్ లో వైరల్ గా మారాయి. షూటింగ్ అయిపోవడంతో ఖుషి సినిమా పోస్టు ప్రొడక్షన్ వర్క్ మొదలవ్వనుంది. సెప్టెంబర్ 1న ఈ సినిమా రిలీజ్ కానుంది. ఫ్యామిలీ, లవ్ ఎంటర్టైనర్ తో విజయ్, సమంత మెప్పిస్తారని సమాచారం. ఇక ఖుషి సినిమా షూటింగ్ కూడా పూర్తవ్వడంతో సమంత ఒక సంవత్సరం పాటు సినిమాలకు బ్రేక్ ఇస్తున్నాను అని ప్రకటించింది. ఆరోగ్యంపై మరింత ఫోకస్ చేసేందుకే ఈ బ్రేక్ అని సమాచారం.