Allu Arjun : ‘పుష్ప 2’ సెన్సేషనల్ రికార్డ్..... అందరి హీరోలని దాటేసిన అల్లు అర్జున్ ...

Allu Arjun: పుష్ప ది రైజ్ రిలీజ్ ముందు వ‌ర‌కు టాలీవుడ్‌కే ప‌రిమిత‌మైన మ‌న స్టైలిష్ స్టార్.. ఐకాన్ స్టార్‌గా మారి పుష్ప పార్ట్ 1తో పాన్ ఇండియా రేంజ్‌లో బ్లాక్‌బ‌స్ట‌ర్ సాధించాడు. త‌న స్టైల్‌, స్వాగ్‌, మేన‌రిజ‌మ్‌ల‌తో పాన్ ఇండియా ప్రేక్ష‌కుల‌ను మెప్పించిన బ‌న్నీ.. స్టైల్‌, డాన్స్ మూమెంట్స్‌ను సెల‌బ్రిటీలు వీడియోల రూపంలో చేశారంటే ఎంత మేర‌కు ఎఫెక్ట్ చూపించారో అర్థం చేసుకోవ‌చ్చు. దీంతో అంద‌రూ పుష్ప 2 కోసం ఎగ్జ‌యిటింగ్‌గా ఎదురు చూస్తున్నారు. ప్ర‌స్తుతం పుష్ప ది రూల్ చిత్రీక‌ర‌ణ‌ను జ‌రుపుకుంటోంది. రిలీజ్‌కు ముందే ఈ సినిమాపై ఎక్స్‌పెక్టేష‌న్స్ పీక్స్‌లో ఉన్నాయి. వేర్ ఈజ్ పుష్ప అంటూ బ‌న్నీ పుట్టిన‌రోజు సంద‌ర్భంగా విడుద‌లైన గ్లింప్స్‌తో ఈ అంచ‌నాలు నెక్ట్స్ రేంజ్‌కు చేరుకున్నాయి.

ఈ అంచ‌నాల‌కు బెస్ట్ ఎగ్జాంపుల్‌.. రీసెంట్‌గా అమ్ముడైన ఆడియో రైట్స్ ఓ ఎగ్జాంపుల్‌గా చెప్పొచ్చు. పుష్ప 2 అన్నీ భాష‌ల‌కు చెందిన ఆడియో రైట్స్‌ను ప్ర‌ముఖ సంస్థ టి సిరీస్ రూ.65 కోట్ల‌కు ద‌క్కించుకుంద‌ని టాక్‌. సౌత్‌లో మ‌రే హీరో సినిమాకు ఈ రేంజ్‌లో ఆడియో రైట్స్ అమ్ముడు పోలేద‌నే చెప్పాలి. అంతెందుకు బాహుబ‌లితో పాన్ ఇండియా లెవ‌ల్లో సెన్సేష‌న్ క్రియేట్ చేసిన రాజ‌మౌళి .. త‌దుప‌రి చేసిన చిత్రం RRR. ఓ వైపు రాజ‌మౌళి, మ‌రో వైపు రామ్ చ‌ర‌ణ్‌, ఎన్టీర్ వంటి స్టార్స్ ఉన్న‌ప్ప‌టికీ ఈ సినిమా ఆడియో హ‌క్కులు రూ.30 కోట్ల‌కు మాత్ర‌మే అమ్ముడ‌య్యాయి. ఆ లెక్క‌లో చూస్తే పుష్ప 2 సినిమా ఆడియో రైట్స్ డ‌బుల్ రేట్‌ను ద‌క్కించుకున్న‌ట్లే. అల్లు అర్జున్‌, సుకుమార్‌, దేవిశ్రీ ప్ర‌సాద్ కాంబినేష‌న్‌లో వ‌చ్చిన సినిమాల‌న్నీ మ్యూజిక‌ల్ హిట్స్‌. అలాగే పుష్ప ది రైజ్ సినిమాకు రాక్ స్టార్ దేవిశ్రీ ప్ర‌సాద్ అందించిన సంగీతం బ్లాక్ బ‌స్ట‌ర్ అయ్యింది. దీంతో పుష్ప ది రూల్ మూవీ ఆడియో రైట్స్‌కి మంచి డిమాండ్ క్రియేట్ అయ్యింద‌ని సినీ స‌ర్కిల్స్ టాక్‌.

Advertisement