Devotional : మీ ఇంట్లో శివుడి విగ్రహం ఉందా ... అయితే ఈ జాగ్రత్తలు పాటించండి !

Devotional : హిందూ సంప్రదాయం ప్రకారం ఇంట్లో దేవత విగ్రహాలను, చిత్రపటాలను ఉంచుకుంటుంటారు. చాలా మంది ఇళ్లలో ఎక్కువగా శివుడు, వెంకటేశ్వరుడు, లక్ష్మీదేవి, గణపతి విగ్రహాలు ఉంటాయి. హిందువులు ఎక్కువగా పూజించే దేవుళ్ళలో పరమశివుడు ఒకరు. ఎక్కువ మంది శివుడిని లింగం రూపంలోనే పూజలు చేస్తారు. కానీ శివుని విగ్రహాలు, చిత్రపటాలు పెట్టుకునే విషయంలో జాగ్రత్తలు తీసుకోవాలని వాస్తు నిపుణులు అంటున్నారు. అవేంటో ప్రత్యేకంగా మీకోసం...

• వాస్తు శాస్త్రం ప్రకారం ఇంట్లో రౌద్ర రూపంలో ఉన్న శివుని ఫోటోను, విగ్రహాలను ఉంచకూడదు. రౌద్రరూపంలో ఉండే విగ్రహాలు ఉండటం వలన ఇంట్లో నిరంతరం ఆందోళన ఉంటుందని నమ్ముతారు.
• అలాగే ఇంట్లో దేవుడి విగ్రహం ఎంత పెద్దగా ఉంటే అందుకు తగినట్లుగా నైవేద్యం కూడా ఎక్కువగా సమర్పించాలని చెబుతారు.
• శివుని విగ్రహం లేదా ఫోటో ప్రశాంత వదనంతో ధ్యానం చేసుకుంటున్నట్లుగా ఉండాలి. శివుని మోమూ నవ్వుతున్నట్లుగా ఉంటే ఆ ఇంట్లో కష్టాలు ఉండవు.
• ఆలుమగలు అన్యోనంగా ఉండాలంటే శివపార్వతులు కలిసి ఉన్న చిత్రపటం లేదా విగ్రహం ఇంట్లో ఉంచుకోవాలి.
• ఇంట్లో కుటుంబ సభ్యుల మధ్య నిరంతర కలహాలు జరుగుతుంటే ఇంట్లో పార్వతీ పరమేశ్వరులతో పాటు వినాయకుడు, సుబ్రహ్మణ్యస్వామి ఇలా అందరూ ఉన్న ఫోటో ఉంటే కలహాలు ఉండవు.
• శివుడి విగ్రహం ఇంట్లో ఉత్తర దిశలో ఉంచితే సానుకూల ఫలితాలు పొందుతారు. మీ ఇంట్లో ప్రశాంత వాతావరణం ఉంటుంది.
• నటరాజ విగ్రహం ఇంట్లో ఉంచుకోకూడదు. ఈ విగ్రహాన్ని ప్రత్యేకంగా ఆఫీస్ రూంలో, పెద్దహాలులో, పెరట్లో ఉంచుకోవచ్చు.
• శివుని విగ్రహం హాలులో అందరికీ కనిపించేలా, అందరి దృష్టి పడేలా ఉంటే సానుకూల శక్తులు ప్రసరిస్తాయని చెబుతున్నారు.

Advertisement