Shilpa Shetty :కాలికి చెప్పులు వేసుకుని జెండా ఎగ‌ర‌వేసిన శిల్ప శెట్టి పై మండిపడ్డ నెటిజన్లు .. దానికి ఆమె ఘాటుగా సమాధానం ...

Shilpa Shetty : బాలీవుడ్ నటి శిల్పా శెట్టి గురించి ప్ర‌త్యేకంగా చెప్పాల్సిన ప‌ని లేదు. ఆమె హిందీతో పాటు తెలుగులోనూ ప‌లు చిత్రాల్లో న‌టించింది. ‘సాహసవీరుడు – సాగరకన్య’, ‘వీడెవ‌డండీ బాబు’ సినిమాల‌తో టాలీవుడ్ ప్రేక్ష‌కుల హృద‌యాల్లో చెద‌ర‌ని ముద్ర వేసింది. ఇక అమ్మ‌డు సోష‌ల్ మీడియాలో చాలా యాక్టివ్‌గా ఉంటుంది. త‌న ఫిట్నెస్, యోగాకు సంబంధించిన వీడియోల‌ను అభిమానుల‌తో పంచుకుంటుంది.

77వ స్వాతంత్య్ర దినోత్సవ వేడుకల్ని దేశవ్యాప్తంగా మంగళవారం ఘ‌నంగా జ‌రుపుకున్నారు. స్కూళ్లు, కాలేజీలు, ఇళ్ల వ‌ద్ద ప్ర‌జ‌లు జెండా ఎగ‌ర‌వేశారు. ఈ క్ర‌మంలో బాలీవుడ్ న‌టి శిల్పా శెట్టి సైతం ముంబైలోని జుహూలోని త‌న ఇంటి వ‌ద్ద కుటుంబ సభ్యుల‌తో క‌లిసి జెండా ఎగ‌ర‌వేసింది. ఇందుకు సంబంధించిన వీడియోను త‌న ఇన్‌స్టాగ్రామ్‌లో షేర్ చేసింది.

Advertisement

ఈ వీడియోలో ఆమె జెండా ఎగ‌ర‌వేస్తున్న స‌మ‌యంలో ఆమె కాలికి చెప్పులు వేసుకుని క‌నిపించింది. దీనిపై కొంద‌రు నెటీజ‌న్లు మండిప‌డ్డారు. కొంచెం అన్నా కామ‌న్ సెన్స్ ఉండాలి..? చెప్పులేసుకుని జెండా ఎగ‌ర‌వేస్తారా..? అంటూ ట్రోల్స్ చేశారు. మ‌రికొంద‌రు మాత్రం న‌టికి మ‌ద్ద‌తుగా మాట్లాడారు. కాగా.. ఈ ట్రోల్స్‌పై శిల్పా శెట్టి కాస్త ఘ‌ట్టిగానే స్పందించింది.

జాతీయ జెండాను ఎగ‌ర‌వేసే స‌మ‌యంలో పాటించాల్సిన నిబంధ‌న‌ల‌పై త‌న‌కు స్ప‌ష్ట‌మైన అవ‌గాహ‌న ఉన్న‌ట్లు తెలిపింది. అంతేకాదు చెప్పులేసుకోకూడ‌నే రూల్ ఎక్క‌డా లేద‌ని చెప్పుకొచ్చింది. గూగుల్‌లో ఓ ఆర్టిక‌ల్‌ను వెతికి మరీ షేర్ చేసింది. ఇప్ప‌టికైనా వాస్త‌వాలు తెలుసుకోవాలంటూ కాస్త గ‌ట్టిగానే కౌంట‌ర్ ఇచ్చింది.కామెంట్స్ చేసే వాళ్ళకి టైమ్ వుంటే ఆ ఆర్టికల్ ను చదవమంటూ ఘాటుగా సమాదానం ఇచ్చింది .