Milk: పాలలో వీటిని కలిపి ఫేస్ కి వాడితే ఫేస్ పై నల్ల మచ్చలు దూరం .. ఫేస్ గ్లో కూడా పెంచుకోవచ్చు

Milk:పాలు తీసుకోవడం ఆరోగ్యానికి మంచిది. పచ్చిపాలు చర్మానికి చాలా మంచివి. పచ్చిపాలలో చర్మానికి అవసరమైన పోషకాలు ఉంటాయి. ఇది చర్మాన్ని అనేక సమస్యల నుండి కాపాడుతుంది. అటువంటి పరిస్థితిలో, చర్మంపై పచ్చిపాలను ఎలా వాడాలో తెలుసుకోవడం ముఖ్యం. పచ్చి పాలను అప్లై చేయడం వల్ల ఏమేం బెనిఫిట్స్ ఉన్నాయో చూద్దాం.

పచ్చిపాలని మీ స్కిన్‌పై టోనర్‌గా వాడొచ్చు. ఎలా రాయాలంటే రాత్రి పడుకునేటప్పుడు చర్మానికి పచ్చిపాలని రాయండి. దీని వల్ల స్కిన్ బిగుతుగా మారుతుంది. పచ్చిపాలలోని లాక్టిక్ యాసిడ్ చర్మ లోపలి భాగాన్ని క్లీన్ చేయడమే కాకుండా మొటిమలు రాకుండా చేస్తుంది.

Advertisement

సహజమైన క్లెన్సర్..
మీ ముఖాన్ని క్లీన్ చేసేందుకు పచ్చిపాలని వాడడం చాలా బావుంటుంది. ఇది మీ ముఖం నుండి మురికిని పోగొట్టడమే కాకుండా, సహజ తేమని అలానే ఉండేలా చేస్తుంది. ఇది చర్మానికి పోషణ, తేమని అందిస్తుంది. మలినాల వల్ల చర్మ రంధ్రాలు మూసుకుపోకుండా కాపాడుతుంది.

మసాజ్..
మీరు పచ్చిపాలతో చర్మాన్ని మసాజ్ చేయాలి. పచ్చి పాలలో దూదిని నానబెట్టి ముఖానికి అప్లై చేయండి. తర్వాత తేలిగ్గా మసాజ్ చేయండి. ఇలా చేయడం వల్ల చర్మానికి రక్తప్రసరణ బాగా జరిగి చర్మం తాజాగా కనిపిస్తుంది.

తేనె కలిపి..
పచ్చి పాల ఓ గిన్నెలో శనగపిండి, తేనె కలపండి. ఇప్పుడు దానిని మీ చర్మానికి అప్లై చేసి 20 నిమిషాలు ఉంచండి. ఇప్పుడు సాధారణ నీటితో కడగాలి. ఇలా చేయడం వల్ల చర్మంలోని మురికి తొలగిపోతుంది.

పసుపు..
పచ్చిపాలలో పసుపు కలిపి ముఖానికి రాసుకుంటే ఫేస్‌ ప్యాక్‌లా పనిచేస్తుంది. ఇది ముఖంపై నల్ల మచ్చల్ని పోగొట్టి చర్మాన్ని కాంతివంతంగా మార్చుతుంది. దీన్ని అప్లై చేసి 20 నిమిషాల తర్వాత క్లీన్ చేసుకోవాలి.