'దీక్ష' మూవీ పెద్ద హిట్ అవుతుంది : దర్శక, నిర్మాత ఆర్‌.కె.గౌడ్‌

ప్రతాని రామకృష్ణగౌడ్‌ స్వీయ దర్శకత్వం వహిస్తున్న ‘దీక్ష’ మూవీ టాకీ పార్ట్ పూర్తి

ఆర్‌.కె. ఫిలింస్‌, స్నిగ్ధ క్రియేషన్స్‌ బ్యానర్స్‌పై ప్రముఖ దర్శక, నిర్మాత, తెలంగాణ ఫిలిమ్‌ ఛాంబర్‌ అధ్యక్షుడు ప్రతాని రామకృష్ణగౌడ్‌ స్వీయ దర్శకత్వంలో రూపొందిస్తున్న చిత్రం ‘దీక్ష’. పినిశెట్టి అశోక్‌ కుమార్‌, మదాడి కృష్ణారెడ్డి నిర్మాతలు. కిరణ్‌కుమార్‌, అలేఖ్యరెడ్డి జంటగా నటిస్తున్నారు. ఈ సినిమా షూటింగ్ ప్రోగ్రెస్ ను తెలిపే కార్యక్రమంలో పాల్గొన్నారు ఆర్ కే గౌడ్, హీరో కిరణ్, నటి తులసి.

Advertisement

ఈ సందర్భంగా ఆర్‌.కె.గౌడ్‌ మాట్లాడుతూ : మా ‘దీక్ష’ సినిమా షూటింగ్ టాకీ పార్ట్ పూర్తయ్యింది. వచ్చే వారం ఓ సాంగ్ షూట్ చేయబోతున్నాం. టాకీ పార్ట్ లో ఫైట్ మాస్టర్ రవికుమార్ ఆధ్వర్యంలో ఓ భారీ యాక్షన్ సీక్వెన్స్ తెరకెక్కించాం. ఈ ఫైట్ లో హీరో కిరణ్ చేసిన స్టంట్స్ హైలైట్ అవుతాయి. మా మూవీలో సింగర్ మధు ప్రియ పాడిన పాటకు మంచి రెస్పాన్స్ వచ్చింది. హీరో కిరణ్ ‘దీక్ష’ చిత్రంలో భీముడి గా కనిపించే సీన్స్ బాగా వచ్చాయి. ఈ సినిమాలో భీముడు, ఆంజనేయుడు వంటి గెటప్స్ లో ఆకట్టుకునే సీన్స్ ఉన్నాయి. ఈ సినిమాలో నలుగురు హీరోయిన్స్ ను పరిచయం చేస్తున్నాం. ‘దీక్ష’ సినిమాను పూర్తి చేసి త్వరలోనే మీ ముందుకు తీసుకొస్తాం. ‘దీక్ష’ మూవీ పెద్ద హిట్ అవుతుందని నమ్ముతున్నాం. అలాగే మహిళా కబడ్డీ అనే మరో చిత్రాన్ని రూపొందిస్తున్నా. ఈ సినిమాను 18 భాషల్లో తెరకెక్కంచబోతున్నాం. కబడ్డీ ఆడగల యంగ్ హీరోయిన్స్ ఎవరైనా ఇంట్రెస్ట్ ఉంటే మమ్మల్ని సంప్రదించండి. మహిళా కబడ్డిలో నటించే హీరోయిన్స్ కు నేషనల్ కబడ్డీ జట్టు కోచ్ తో శిక్షణ ఇప్పిస్తాం. అన్నారు.