Health Tips : టీ తగిన తర్వాత వీటిని తీసుకుంటున్నారా..?

Health Tips : సాధారణంగా పని ఒత్తిడితో అలసిపోయి ప్రశాంతత కోసం చాలా మంది టీ తాగటాన్ని అలవాటుగా చేసుకుంటారు. దీనిని తాగటం వల్ల ఎన్నో ఆరోగ్య ప్రయోజనాలు కలుగుతాయని అంతా చెప్తుంటారు. సామాన్యుడి నుండి పెద్ద స్ధాయి వరకు అందరూ టీని సేవిస్తుంటారు. చాలా మంది ఉదయం నిద్ర లేవగానే టీ తప్పనిసరిగా తాగుతారు. అయితే టీతో పాటు కలిపి కొన్ని రకాల పదార్ధాలను తీసుకునే అలవాటు చాలా మందిలో ఉంటుంది. అయితే టీతో పాటు ఏమి తినాలి , ఏమి తినకూడదు అనే విషయంలో జాగ్రత్తగా ఉండాలని నిపుణులు సూచిస్తున్నారు. అవేంటో ప్రత్యేకంగా మీకోసం...

టీ తో కలిపి తీసుకోకూడని పదార్ధాలు ;

Advertisement

శనగ పిండి : శనగపిండితో చేసిన పావ్ భాజీతో పాటు టీని ఏ మాత్రం తినకూడదు. దీనివల్ల జీర్ణక్రయ సమస్యలు తలెత్తి అనారోగ్యానికి గురయ్యే ప్రమాదం ఉంది.

వేడి అల్పాహారాలు : చాలా మంది చల్లని , వేడి ఆహారాలు కలిపి తినడానికి ఇష్టపడతారు. ఇలా చేయటం ఆరోగ్యానికి మంచిది కాదు. వేడి టీ తాగిన తర్వాత అరగంట పాటు చల్లగా ఏదైనా తినడం మానుకోండి. ఎందుకంటే ఇది జీర్ణక్రియను చెడుగా ప్రభావితం చేయడమే కాకుండా వికారం కూడా కలిగిస్తుంది.

నిమ్మకాయ : బరువు తగ్గడానికి లెమన్ టీ బాగా ఉపయోగపడుతుంది. అయితే నిమ్మరసం మరియు టీ కలిపి తీసుకోవడం వల్ల గ్యాస్ సమస్య, కడుపు ఉబ్బరం ఏర్పడుతుంది. ఉదయం పూట ఖాళీ కడుపుతో లెమన్ టీ తాగడం వల్ల గుండెల్లో మంట, యాసిడ్ రిఫ్లక్స్, ఎసిడిటీ వంటి సమస్యలు వస్తాయని అంటున్నారు.

పసుపు : టీ మరియు పసుపు రెండింటి యొక్క కలయిక అనేది సరైంది కాదని నిపుణులు అభిప్రాయపడుతున్నారు. ఈ రెండింటిని కలిపి తీసుకోవద్దని సూచిస్తున్నారు. ఇలా చేయడం వల్ల కడుపులో గ్యాస్, మలబద్ధకం,అసిడిటీ సమస్యలు వస్తాయి.