రాచకొండ కమిషనరేట్‌ లో పోలీసు పతాక దినోత్సవం

Rachakonda News : ప్రతి ఏటా దేశవ్యాప్తంగా నిర్వహిస్తున్న పోలీసు పతాక దినోత్సవాన్ని పురస్కరించుకుని రాచకొండ కమిషనరేట్‌ లో పోలీసు పతాక దినోత్సవాన్ని ఈ ఏడాది కూడా ఘనంగా నిర్వహించనున్నారు. ఈ సందర్భంగా ప్రతీ ఏటా నిర్వహిస్తున్న ప్రత్యేక కార్యక్రమాల తరహాలోనే 2024 అక్టోబరు 21 నుండి పోలీసులు మరియు విద్యార్థులకు వివిధ సామాజిక అంశాల మీద ఆన్‌లైన్‌ వ్యాసరచన పోటీలు, పోలీసు సంబంధిత అంశాలతో షార్ట్‌ ఫిల్మ్‌ పోటీలు, ఆన్‌లైన్‌ ఫోటోగ్రఫీ వంటి కార్యక్రమాలను నిర్వహించనున్నట్లు కమీషనర్ శ్రీ సుధీర్ బాబు ఐపీఎస్ గారు తెలిపారు.

ఈ కార్యక్రమంలో రాచకొండ పోలీసు సిబ్బంది, విద్యార్థులు మరియు పౌరులు చురుకుగా పాల్గొనాలని సీపీ సూచించారు. పోటీలకు సంబంధించిన వివరాలను రాచకొండ సోషల్ మీడియా అకౌంట్లలో అందుబాటులో ఉంచనున్నట్లు, ఎంట్రీలను పంపడానికి ఈ నెల 27 ఆఖరి తారీఖుగా పేర్కొన్నారు. ఈ పోలీసు పతాక దినోత్సవ సందర్భంగా అక్టోబరు 21 తేదీన అంబర్ పేట లో ప్రత్యేక మెగా రక్తదాన శిబిరం కూడా ఏర్పాటు చేయనున్నట్టు తెలిపారు.

Advertisement